Një person ka humbur jetën teksa ka qenë duke u larë në plazhin e Golemit. Autoritet policore bëjnë me dije se viktima është shtetasi M. K., 66 vjeç, banues në Elbasan.
Uniformat blu bëjnë me dije se 66-vjeçari sapo ka rënë në kontakt me ujin në anë të detit, ka shfaqur probleme shëndetësore, dhe shkaku i vdekjes dyshohet se ka qenë arresti kardiak.
Mësohet se 66-vjeçarit, menjëherë i është dhënë ndihma e parë nga familjarët e tij dhe nga roja i plazhit, por gjatë transportimit në spital, me ambulancë, ky shtetas ka humbur jetën. Grupi hetimor vijon punën për përcaktimin e saktë të shkakut të humbjes së jetës.
