Lefter Maliqi, kandidat i dyshes Berisha-Meta për Kuçovën, në zgjedhjet e 14 Majit, ka shkuar këtë të enjte në “Gjykatën e Rrethi Gjyqësor, Berat”, për tu përballur me Pëllumb Salillarin, pasi ky i fundit e ka akuzuar për shpifje.
Përmes një postimi në rrjete sociale, Maliqi deklaron se sot në seancë Salillari nuk është paraqitur, i pranishëm ka qënë vetëm avokati i tij. Maliqi ka deklaruar para trupit gjykues se i qëndron akuzave të tij dhe lidhur me to ka edhe dëshmitarë.
“Edhe i vetëm trim në luftë!
Përballje ligjore në “Gjykatën e Rrethi Gjyqësor, Berat”, përballë Oligarkut ish/fatorinos Salillari pengmarrës i Hajdarit. S’ka kthim pas! Beteja politike e ligjore kundër abuzimeve, tenderave korruptivë, asfaltit dhe çakullit elektoral, dëmtimit të kodrave e lumenjëve, dhunës së banorëve të Sinecit, shtesave të pallatit pa leje etj. etj. Me 102 dëshmitarë, me 3 kallëzime në SPAK dhe nuk tërhiqem deri sa të kem frymë, kundër këtij Oligarku të pangopur dhe të pashpirt! Derisa paraja i tij të mos blejë më Drejtësinë dhe të mos arrijë të korruptojë këdo! Fati dhe fundi i tij dihet, bashkë me shokët Gjushi, Gjici, Bllako, Tahiri dhe Koka ose arratinë si Beni ecen vet (Ahmetaj)!”,- shkruan Maliqi në fb.
Kujtojmë se pas rezultateve në lokalet e 14 Majit, Maliqi akuzoi oligarkun Pëllumb Salillari se ndikoi në përmbysjen e rezultatit për llogari të kryebashkiakut Kreshnik Hajdari.
