Shkëndija po bën përgatitjet e fundit për ndeshjen e parë të turit të Conference League ndaj skuadrës nga Wales, Haverfordwest. Përveç teknikut Nuhiu, pyetjeve të gazetarëve i është përgjigjur edhe mesfushori i skuadrës shqiptare, Ennur Totre.
“Ne gjithmonë kemi pasur mbështetjen e publikut dhe “Ballistëve” dhe besoj se edhe nesër do të kemi përkrahje të madhe dhe numër sa më të madh të shikuesve. Besoj se ne do ta kryejmë punën tonë në fushë dhe publiku në tribuna.“
Kam qenë pjesë e asaj gjenerate të artë të Shkëndijës që kemi bërë mirë në Evropë dhe tre herë kemi luajtur në play off, por nuk kemi arritur të futemi në grupe. Tani kemi një ekip të ri, me staf të ri dhe lojtarë të ri. Kemi lënë pas fazën përgatitore dhe jemi gati për këtë ndeshje. Uroj të ecim mirë dhe pse mos të përsërisim historinë dhe pse jo edhe të bëjmë më shumë dhe të futemi në grupe.“ – Tha ai.
