Skënderbeu ka një grup të kompletuar në masën 70%.
Diçka e tillë u pa edhe te testi brenda grupit që korçarët zhvilluan ditën e diel dhe trajneri Gvozdenoviç mori përgjigjet e veta.
Një nga notat pozitive ka qenë afrimi nga radhët e Strugës, Suhejlj Muharem.
21-vjeçari, në një prononcim së fundmi tregoi se është gati për një rrugëtim të suksesshëm me Skënderbeun dhe arsyet pse zgjodhi Korçën si destinacion pas një titulli kampion me Strugën.
“Më vjen mirë që zbrita në fushë dhe tashmë kemi hyrë plotësisht në përgatitjet për sezonin e ri. Jam këtu i bindur se do të bëjmë së bashku gjëra të mëdha dhe mund të ringremë sërish në nivelin e ekipit të Skënderbeut. Ka qenë pikërisht historia e këtij klubi dhe plani i drejtuesve që më bëri të pranoj ofertën e Skënderbeut. Jam këtu i bindur që do të jap maksimumin dhe se ky destinacion është i duhuri për mua për të treguar aftësitë. Te Struga e mbylla me një titull kampion dhe jam shumë krenar për këtë.
Tani jam i fokusuar te Skënderbeu për të ndërtuar vijimësinë e karrierës sime dhe për të ndihmuar ekipin në arritjen e objektivave sezon alë. Skuadra është duke u plotësuar dhe jam shumë mirë këtu. Po shoh që klubi po bën të pamundurën për të afruar elementë të rinj dhe mbi të gjitha cilësorë për të ndërtuar një skuadër kompakte. Jam i bindur se do të jemi një grup i fortë për sezonin e ri”, përfundoi sulmuesi 21-vjeçar.
