Tirana do të luajë ditën e enjte në turin e parë të Conference League ndaj Dinamo Batumit, sfidë që do të startojë në orën 20:00 në “Air Albania”.
Në prag të kësaj sfide në konference për shtyp do të dalë trajneri Orges Shehi ditën e nesërme në orën 16:30. Së bashku me timonierin e kryeqytetasve do të dalë edhe kapiteni i skuadrës.
Pikërisht shiriti i kapitenit te bardheblutë po diksutohet ditët e fundit. Ardhja e Erion Hoxhallarit ngriti dyshimet se mbrojtësi do të merrte sërish në krah shiritin e kapitenit. Por duket se diçka e tillë nuk do të ndodhe dhe lideri i Tiranës të paktën për sfidën me gjeorgjianët pritet të jetë Filip Najdovski.
Ky i fundit do të jetë përkrah Shehit dhe siç tashmë e do tradita lojtari që e shoqëron timonierin e skuadrës në konferencë mban edhe shiritin e kapitenit në krah. Nuk pritet të ketë surpriza.
