Nga data 10-27 korrik, të gjithë maturantët kanë të drejtë për të bërë pagesën e tarifave të aplikimit në universitetet përkatëse, në varësi të institucionit publik ose privat të zgjedhur. Ministria e Arsimit ka publikuar të gjitha datat dhe kriteret për pranimin e maturantëve në universitet, e ndarë në dy raunde.
Ministria sqaron më tej se në datën 27 gusht do të publikohen fituesit. Në datën 28, maturantët do të kenë të drejtë ankimimi. 29 gusht, 11 shtator do të jetë faza e regjistrimit. Kjo sa i përket raundit të parë. Në raundin e dytë pagesa e tarifave për aplikim do të jetë 29 gusht-14 shtator. 15-17 shtator do të bëhet renditja e degëve preferenciale dhe më datë 21 publikohet dega fituese.
Regjistrimi do të bëhet nga datat 22 shtator-1 tetor, ndërsa maturantët kanë të drejtë edhe të çregjistrohen nga një degë nëse dëshirojnë, në data të posaçme, në dy raundet e vendosura në dispozicion.
