Ka nisur me debate të forta mbledhja në Këshillin e Mandateve ku po shqyrtohet kërkesa e SPAK, që i kërkon Kuvendit leje për arrestimin e deputetit të PS-së Arben Ahmetaj.
Opozita kërkon që seanca të zhvillohet me dyer të hapura dhe kjo ka sjellë replika me mazhorancën. Mbledhja ëhtë ndërprerë për 5 minuta dhe shkak është bërë një debat mes Ervin Salianjit dhe deputetes së PS, Ermonela Felaj.
Mësohet se Salianji i është drejtuar Felajt duke i thënë se është në konflikt interesi dhe ndaj e kërkon mbledhjen me dyer të mbyllura.
“Je e përfshirë njësoj dhe je pjesë e dosjes dhe prandaj e kërkon të mbyllur mbledhjen”, është shprehur ai.
Në këtë moment është kërkuar dhe ndërprerja e mbledhjes për 5 minuta.
Ndërkohë SPAK ka kërkuar që të mbahet me dyer të mbyllura për shkak të sekretit hetimor. Kujtojmë se vetë Ahmetaj nuk merr pjesë në mbledhje, por po përfaqësohet nga avokatët e tij.
