Ndeshja e Ligës së Kampioneve mes Partizanit dhe BATE Borisov, do të shohë të kuqtë të luajnë në stadiumin “Air Albania” për pjesëmarrjen në kompeticionin më të rëndësishëm për klube në kontinent.
Një zgjedhje e diktuar nga dëshira për të pasur sa më shumë tifozë të pranishëm, por edhe nga kushti që ka vendosur UEFA.
Kjo e fundit ka konfirmuar sot se për herë të parë në histori, VAR-i do të përdoret që në turin e parë eliminator të Ligës së Kampioneve, një risi për turneun.
Në vitet e kaluara,, video-asistenti ishte përdorur që nga turi i tretë dhe play-off i turneut, por është vendosur që t’i jepet rëndësi çdo ndeshje, që në turin e parë të atij që vlerësohet si kompeticioni i elitës.
Kështu, Partizani nuk ka mundur të luajë ndeshjet e tij në Ligën e Kampioneve në “Arenën e Demave”, por është detyruar të transferohet në “Air Albania” edhe për këtë arsye.
