Një pushuese kosovare, e cila ka zgjedhur bregdetin e Shëngjinit për të kaluar pushimet, ka rrezikuar të mbytet ditën e sotme.
Ngjarja ka ndodhur në zonën e Kune Vainit, ku 40 vjeçarja është futur për tu larë dhe ka rrezikuar të mbytet.
Mësohet se 40 vjeçarja është shpëtuar nga pushuesit e tjerë të pranishëm, dhe është dërguar menjëherë në urgjencën e spitalit të Lezhës për ndihmë mjekësore. Gjendja e saj shëndetësore raportohet jashtë rrezikut për jetën, ndërsa ky është rasti i tretë ku pushues nga Kosova rrezikojnë të mbyten në bregdetin e Shëngjinit.
