Vetëm 1 sezon ka zgjatur aventura e portierit Bekim Rexhepi tek Partizani. Klubi i kuq ka njoftuar tifozët se ka ndërprerë bashkëpunimin me “gardianin”, me anë të një postimi në kanalet zyrtare.
Rexhepi mbrojti portën e skuadrës kryeqytetase, në 32 ndeshje të kampionatit shqiptar. Vendin e tij te Partizani do e marrë Pano Qirko.
“Partizani njofton mbylljen e bashkëpunimit me Bekim Rexhepin. Portieri dhe klubi kanë vendosur të ndërpresin me mirëkuptim kontratën mes tyre.
Klubi falenderon Bekim Rexhepin për kontributin e dhënë në fitimin e titullit të 17-të kampion, duke i ururar njëkohësisht shumë suksese në vazhdim të karrierës së e tij.
Kënaqësi që ishe pjesë e familjes tonë të madhe Partizani” – Shkruan klubi.
