Arabia Saudite vijon të hedhë grepat në Europë, për të rrëmbyer yjet. Megjithatë, jo të gjithë joshen nga kontratat milionere të ofruara. Ky është edhe rasti i Çiro Imobile.
Sulmuesi i Lacios refuzoi kontratën 2-vjeçare, nga e cila do të përfitonte 35 milionë euro, nga një prej klubeve më të mëdha të Lindjes së Mesme.
Kapiteni i bardhekaltërve e konfirmoi ofertën, por nuk ka ndërmend të largohet nga kryeqyteti italian. Për më tepër, as në zyrat e Lacios nuk u dorëzua një ofertë formale për kartonin e sulmuesit.
