Kryeministri i Kosovës Albin Kurti ka refuzuar të takojë ditën e sotme, kreun e qeverisë shqiptare, Edi Rama, i cili ndodhet në Prishtinë në kuadër të një turi ballkanik.
Rama është takuar me kryeparlamentarin Glauk Konjufca, dhe në dalje nga selia e Kuvendit të Kosovës, gazetarët pyetën kryeministrin nëse do të ketë një konferencë për mediat, por Rama ka thumbur Kurtin duke thënë : “Nuk kam homologun, nuk bëjmë dot konferencë shtypi”.
Kujtojmë se ditën e sotme, Kryeministri Edi Rama ishte në pritje të konfirmimit të një takimi me Albin Kurtin, kryeministrin e Kosovës.
Ky i fundit në momentin që Rama nisi takimin me Presidenten Vjosa Osmani, u largua nga zyrat e qeverisë.
