Kryeministri Edi Rama do të nisë ditën e nesërme një tur dy ditor ballkanik, ku pritet të vizitojë Prishtinën, Beogradin, Shkupin, Sarajavën dhe Podgoricën.
Rama do të zhvillojë takime me krerët e shtetve të Ballkanit Perëndimor në kuadër të Procesit të Berlinit dhe të ardhmes së nismës “Open Balkan”, ku deklaroi i vetëm mbylljen e saj pak ditë më parë, një deklaratë që la të befasuar dhe presidentin serb Aleksandër Vuçiç.
Por, për këtë tur ballkanik, Rama mori refuzimin e parë që në fillim dhe është kryeministri i Kosovës, Albin Kurti i cili deklaroi se nuk do të takohet me Ramë pa u zhvilluar më parë takimi i përbashkët mes dy qeverive.
Por, duket se Albin Kurti do “tradhtohet” nga partnerja e tij në politikë, presidentja e Kosovës, Vjosa Osmani, e cila siç duket ndan qëndrime të ndryshme me Kurtin sa i përket raportit që po mban ai me ndërkombëtarët.
Burime për mediat bëjnë me dije se, pavarësisht refuzimit nga Kurti, kryeministri Edi Rama nuk do ta anulojë turin ballkanik dhe ditën e nesërme në Prishtinë pritet të zhvillojë një takim “kokë më kokë” me presidenten Vjosa Osmani.
Priet të shihet se sa do të zhvillohet ky takim, teksa vlen të kujtohet se kryeministri Edi Rama dhe presidentja e Kosovës, Vjosa Osmani u takuan pak ditë më parë edhe në Ulqin, ku ishin ulur pranë njëri-tjetrit në koncertin e tenorit nga Kosova me famë botërore, Ramë Halaj.
