Një aksident automobilistik është regjistruar mbrëmjen e kësaj të mërkure në Tiranë, me protagonist një prej urbaneve të kryeqytetit.
Siç shihet dhe nga pamjet e publikuara nga JOQ, një urban ka goditur nga mbrapa një automjet dhe ka pësuar dëme në pjesën e parmë të tij. Aksidenti ka ndodhur tek zona e “Brrylit”.
Nuk dihet rrethanat se si ka ndodhur aksidenti dhe nëse ka patur të lënduar, teksa pritet një komunikatë nga blutë e kryeqyetit në lidhje me këtë aksidentit, teksa shihen të pranishëm në vendin e ngjarjes.
Kujtojmë se kohët e fundit kanë qenë të shpeshta aksidentet me protagonistë urbanet në Tiranë, teksa një i tillë u regjistrua vetëm pak ditë më parë në zonën e “5 Majit”, ku një urban i linjës së Unazës u përplas me një motor me të cilin po udhëtonte gjyshi me nipin.
