Pas Alessandro Bastonit, Interi e ka formalizuar edhe vazhdimin e kontratës së Hakan Calhanoglut deri në qershor 2027.
Zikaltrit janë duke u angazhuar që t’i mbajnë disa nga emrat e rëndësishëm të skuadrës, ndërkohë që shpresojnë në transferimin e Davide Frattesit nga Sassuolo.
Mbrojtësi Bastoni e vazhdoi kontratën deri në qershor të vitit 2028 dhe pas tij ka rinovuar edhe mesfushori Calhanoglu (qershor 2027).
Futbollisti turk realizoi transferimin e pazakontë nga rivali i qytetit, Milan, në verën e vitit 2021 si lojtar i lirë.
Kontrata e mëparshme e 29-vjeçarit duhej të skadonte në qershor 2024, por Interi dëshironte ta mbante më gjatë në skuadër dhe kjo tashmë është zyrtarizuar.
