Lulzim Basha thotë se Partia Demokratike po riorganizohet.
Në një postim në rrjetet sociale, ku poston foto nga një takim në Divjakë, ai shprehet se “Partia Demokratike do modernizohet, do ripërtërijë rradhët e saj e do hapet ndaj të gjithë atyre që kanë te njëjtat vlera me ne”.
“Me mbështetjen e demokratëve, përgjegjësia ime do të jetë, të shtrijë dorën e bashkëpunimit ndaj kujtdo që beson në këto vlera. Me këto transformime ne synojmë rritjen e mekanizmave të kontrollit dhe llogaridhënies së qeverisë, pavarësisht kush e drejton atë”, shton ai.
“Ne duhet të bëjmë gjithçka që t’u japim forcë dhe pushtet qytetarëve që ata të vendosin për të ardhmen e tyre, duke u kthyer atyre besimin te vota dhe politika”, shprehet më tej.
Lulzim Basha pritet të marrë drejtimin e PD-së së vulës më 29 korrik, në një garë që cilësohet gjegjësisht farsë dhe me fitues të paracaktuar. Përballë tij është Gjergj Hani, i cili është krahasuar në disa raportime meditike me ish-‘rivalin’ e Edi Ramës një dekadë më parë, Maqo Lakrorin.
Ambicia e Bashës për të drejtuar PD e vulës ka sjellë akoma dhe më shumë përçarje në këtë parti, me shumë deputetë demokratë që janë shprehur kundër kësaj lëvizje.
