Nipi i Robert De Niro, Leonardo De Niro Rodriguez ka ndërruar jetë në moshën 19-vjeçare. Lajmin e hidhur e ka bërë të ditur nëna e tij, Drena, njëherësh vajza e Robert De Niro.
“Engjëlli im i bukur i ëmbël. Të kam dashur pa fjalë apo përshkrim që nga momenti që të ndjeva në bark. Ti ke qenë gëzimi im, zemra ime dhe gjithçka që ka qenë e pastër dhe e vërtetë në jetën time.
Nuk e di si të jetoj pa ty, por do të përpiqem të vazhdoj dhe të përhap dashurinë dhe dritën që më bëre të ndieja duke u bërë mamaja jote. Më vjen shumë keq foshnja ime”, shkroi mes dhimbjes Drena në rrjetet sociale. Akoma nuk janë bërë të ditura rrethanat e humbjes së jetës të të riut.
