Autoritetet greke kanë gjetur një platancion gjigant kanabisi të braktisur në kufi me Shqipërinë. Plantacioni shtrihej në një sipërfaqe prej përafërsisht 5 hektarësh midis komuniteteve Kerasohori dhe Palamba në Filiatonit.
Mediat fqinje raportojnë se edhe pse policia e Igumenicës u kishin zënë pritë mos shkonte dikush, ata nuk gjetën asnjë gjurmë të autorëve përveçse kanabisit të braktisur. Platacioni ndahej në dy pjesë. Në njërën, autorët e panjohur kultivonin në vazo 1600 fidanë kanabis gati për transplantim dhe në tjetrën 285 fidanë që ishin mbjellë në tokë.
Prokuroria e Narkotikëve po kryen hetimet paraprake për zbulimin e identitetit të personave të përfshirë në kultivimin e paligjshëm.
