Ditët e fundit në media ka qarkulluar një lajm se i shumëkërkuari i drejtësisë, Ervis Martinaj, i zhdukur prej rreth 1 viti, ndodhet në Meksisë, ku u publikua dhe një foto ku pretendohej se ishte ai dhe se kishte ndryshuar pamje.
Por, ky është një lajm i rremë. Personazhi në foto nuk është Ervis Martinaj, por reperi nga Kosova i njohur me emrin e artit si “Grizzly”. Ky i fundit ka reaguar përmes një postimi në InstaStory, ku ka përgënjeshtruar lajmin dhe deklaron se po abuzojnë me imazhin e tij.
Teksa ofendon median që i ka shpërndarë lajmin, personi në foto shkruan: “Përdorni imazhin e të tjerëve pa lidhje për më shumë klikime”.
