Një ndër problematikat që hasin turistët në bregdet gjatë stinës së verës është mungesa e hapësirave për të parkuar mjetete e tyre. Jo vetëm kaq, por edhe në ato pak hapësiar që ka, ata gjobiten nga ana e Policisë.
Një qytetar ka denoncuar me video në redaksinë tonë këtë problematikë, ku siç shihet në zonën e “Ujit të Ftohtë” në Vlorë, sapo kalon tunelin, policia ka “mbytur” me gjoba mjetet e parkuara anës rrugës, por jo të gjitha.
Siç shihet dhe nga video, disa prej makinave nuk kanë gjoba të vendosura mbi xham, dhe qytetari pretendon se ata nuk gjobiten për shkak se kanë miq në institucionet lokale të Vlorës. Madje në video, është dhe një moment epik, ku një shofer ka vendosur një faturë restoranti mbi xhamin e makinës për t’u dukur si gjobë.
