Partizani vijon punën në fazën përgatitore për ndeshjet e Europës dhe skuadra e drejtuar nga trajneri Zekic po merr gradualisht formë.
Megjithatë, ka ende 1 apo dy lëvizje për të konsoliduar grupin. Drejtuesit vazhdojnë punën në merkato dhe mendojnë jo vetëm për të tashmen.
E ardhmja, më saktë talentët, janë përsëri një pikë kyçe e stratgjisë së klubit dhe fokusi është ende në zbulimin dhe promovimin e të rinjve. Së fundmi, një prurje e re vjen nga Ukraina. Roman Pomah është që pritet të veshë zyrtarisht fanellën e kuqe.
19-vjeçari luan si anësor i majtë dhe do të jetë në provë në këtë fazë përgatitore. Ai luajti disa minuta edhe në miqësoren me Strugën dhe do të jetë nën vëzhgimin e stafit teknik. Ideja është që ai të afrohet fillimisht në ekipin U-21 e më pas të bëjë kalimin tek ai A nëse bind me cilësitë e tij.
