Avokati Spartak Ngjela thotë se nisma “Open Balkan” ishte një dështim. Teksa komentoi deklaratën e kreut të qeverisë Edi Rama, ai tha se ky i fundit duhet të kërkonte falje e jo të thoshte se “Open Balkan” e mbylli misionin e saj.
“Dështim ishte nuk mund të realizohej. Që të ekzistonte ‘Ballkani I Hapur” Shqipëria duhet të ishte free zone. “Open Balkan” nuk na dha asnjë gjë.
Rama e kishte bashkë me Vuçiç këtë nismë. Nuk ka prodhim industrial. Ajo që e dërmoi këtë nismë ishte se nuk e pranoi Kurti. Në vend që të thotë më falni se gabova thotë mbaroi. Për strukturën ekonomike që ka Shqipëria nuk mund të bëhej. Nëse do bëhej Shqipëria do përfundonte në koloni”-tha ai për ‘Review’.
