Në kulmin e sezonit turistik Vlora është mbytur nga tymi dhe era e rëndë e djegies së mbeturinave. Zjarri masiv që përfshiu një ditë më parë vend hedhjen e mbeturinave në qytetin e Vlorës ka vijuar edhe ditën e premte.
Flakët janë përhapur në gjithë zonë duke krijuar një re të dendur tymi.
Përveç forcave zjarrfikëse në fushën e mbetjeve janë shtuar edhe 4 fadroma për hedhjen e dherave mbi izolimin e flakëve.
Ndërkohë Inspektoriati Kombëtar i Mbrojtjes së Territorit e ka gjobitur me 1 milion lekë, Bashkinë e Vlorës, për zjarrin që ka rënë në fushën e mbetjeve.
Mësohet gjithashtu se Agjencia Rajonale e Mjedisit me seli në qytetin e Fierit se ka nisur procedurat për të marrë masa mbi ndotjen e shkaktuar.
Policia e Shtetit ka shoqëruar disa persona me dyshimin se zjarrvënia ka qënë e qëllimshme. Problem i zjarrit, i erës së keqe që është përhapur nuk është i pari. Kjo situatë është e përsëritur.
