Lokalit të këngëtarit Rigels Rajku i njohur si Noizy i është vënë flaka dy herë nga një i afërm i tij. Policia ka zbuluar se ky i fundit është po ashtu autor i vënies së zjarrit edhe të banesës së nënës së këngëtarit. Të tre episodet kanë ndodhur në Durrës në muajt Maj dhe Qershor.
Një 26-vjeçar është vendosur në pranga si autor i dyshuar i dy zjarrvënieve në lokalin e Noizy-t në Durrës, si dhe derës së banesës së këngëtarit.
Në pranga u vu 26-vjeçari Eraldo Musteqja, i cili ka lidhje familjare me reperin. Në momentin e arrestimit atij iu sekuestrua një thikë.
Policia njoftoi se i riu u kap në flagrancë mëngjesin e sotëm, pasi i kishte vënë zjarrin një lokali në lagjen “Currilat”.
“Gjithashtu, nga hetimet dyshohet se i njëjti shtetas i ka vënë zjarrin të njëjtit lokal, më datë 11.06.2023, si dhe derës së banesës së nënës së pronarit të këtij lokali, më datë 10.06.2023”, thuhet më tej në njoftimin e policisë.
Lexo edhe:
