Eksperti i sigurisë, Arben Hajdarmataj komentoi ligjin për legalizimin e kanabisit. Sipas tij, ky ligj po bëhet nga Rama vetëm për 20 miqtë e tij, duke theksuar se këta persona nuk do të kontrollohen nga politika.
Hajdarmataj hedh dyshime se duke u shfrytëzuar kjo hapësirë ligjore kanabisi mund të mbillet edhe për qëllime droge.
Policia tha ai nuk do të ketë mundësi që ti godasë, duke marrë edhe shembullin e ndërtimeve më Tiranë, për të cilat u shpreh se nuk po i shkon krimi ekonomik.
“Në atë draft del që maksimumi është 200 ha, maksimumi i një personi që do të marrë licencë është nga 5-10 dynym. Maksimumi që mund të marrin licence janë 20 qytetarë shqiptarë. Kjo do të thotë se këta janë të parazgjedhur. Aspekti tjetër është që ti ngre një agjenci, se licencat dhe veprimtaritë do ti kontrollojë kryeministri. Pra ky është një ligj që Rama e bën për 20 miqtë e tij, që mund të jenë edhe biznesmenë të ndershëm, por që s’ma merr mendja, por që kanë mundësi praktike për të kryer këtë veprimtari. Unë mendoj se këta persona mund të kenë licencat për kanabis për qëllime mjekësore, por ndërkohë nuk do të ketë mundësi praktike policia që këta persona ti kontrollojë nëse kanë mbjellë hashash për qëllime mjekësore apo për qëllime drogë. Kjo është një unë e shoh me shumë rrezik dhe shumë skepticizëm. Prandaj them që policia e shtetit nuk do ketë mundësi praktike për ti goditur këta 20 persona sepse ne po e shohim si po bëhet në ndërtimet në Tiranë, a po shkon krimi ekonomik apo jo? Nuk po shkon”, tha Hajdarmataj per Panorama TV.
