Kushëriri i Noizyt i ka vënë flakën dy herë lokalit të reperit në zonën e Currilave në Durrës. Policia ka zbuluar se ky i fundit është po ashtu autor i vënies së zjarrit edhe të banesës së nënës së këngëtarit. Në pranga u vu 26-vjeçari Eraldo Musteqja.
Pas arrestimit të tij ka reaguar edhe Noizy i cili ka publikuar foton e kushëririt të tij dhe tregon se janë rritur bashkë dhe për të janë kujdesur edhe prindërit e reperit.
Ai shton se më vonë kushëriri i tij ndërroi fe dhe u bë një besimtar ekstremist që mendonte se lokalet s’duhet të shesin alkool dhe se muzika është haram. Kjo sipas reperit është arsyeja e veprimeve të tij.
Reperi shprehet se ia ka lënë në dorë drejtësisë dhe shkruan në fund:” Të dua shumë vëlla i vogël”.
Por duket se ka edhe një tjetër version të kësaj ngjarjeje. Një kushëri i 26-vjeçarit ka thënë për JOQ se Eraldo ka punuar në lokalin e Noizy-t si kuzhinier.
Sipas kushëririt në fjalë, për disa muaj me radhë ka patur probleme me babain e reperit, i cili menaxhon edhe lokalet e tij. Kushëriri i Eraldos thotë se ai nuk ka marrë rrogën prej 4 muajsh dhe sikur të mos mjaftonte kjo, Noizy ka kryer marrëdhënie me të fejuarën e Eraldos, që e konsideronte shok të ngushtë.
Më tej ai thotë se nga mllefi për këto që i kishin ndodhur, Eraldo ka ndërmarrë këto veprime.
View this post on Instagram
