Një vrasje e dyfishtë është regjistruar pasditen e kësaj të enjte në Shkodër. Mësohet se dy persona janë ekzekutuar në Dukagjin, pronarë të një shtëpie.
Burime bëjnë me dije se viktimat janështetasit Gjokë Gurra dhe Eduart Gurra (babë e bir). Ngjarja e rëndë ka ndodhur në fshatin Sumë të Njësisë Administrative Pult. Dy viktimat ishin banues në lagjen “Partizani” në Shkodër.
Policia e Shkodrës ndodhet në vendin e ngjarjes, ndërsa është e paqartë përse ka ndodhur ky krim i dyfishtë.
“Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen “Partizani”, Shkodër. Shërbimet e Policisë dhe Grupi hetimor janë nisur menjëherë për në vendngjarje. Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar.” thuhet në njoftimin e Policisë.
Viktimat janë personat që shihni në fotot e mëposhtme.
