Një aksident me gjashtë persona të plagosur ka ndodhur këtë të Enjte në Librazhd. Policia konfirmoi se personat e plagosur, mes tyre tre fëmijë, janë jashtë rrezikut për jetën.
“Mesditën e sotme, në fshatin Gurakuq, shtetasi I. S., 64 vjeç, duke drejtuar automjetin tip ‘Mitsubishi’, ka humbur kontrollin mbi drejtimin e automjetit dhe për pasojë automjeti ka dalë nga rruga.
Nga ky aksident, janë dëmtuar drejtuesi i automjetit dhe shtetasit B. S., 38 vjeç, B. S., 33 vjeçe dhe 3 fëmijë të mitur, të moshave 9, 6 dhe 2 vjeç, pasagjerë në këtë automjet, të cilët ndodhen në kujdesin e mjekëve, jashtë rrezikut për jetën”, njoftoi policia.
Grupit hetimor po punon për përcaktimin e shkaqeve të këtij aksidenti, shtuan të njëjtat burime.
