Jurgen Mehidri është larguar nga Korabi dhe do t’i bashkohet Vllaznisë.
Ashtu siç ishte bërë me dije ditë më parë, dibranët kanë gjetur marrëveshjen me shkodranët. Lojtari është përshëndetur sot me shokët e skuadrës.
Të njëjtat burime tregojnë se ai është nisur menjëherë drejt Bosnjës për të nisur përgatitjet me trajnerin Migen Memelli.
Mehidri shihet si një përforcim i rëndësishëm për kuqeblutë që do të luajnë edhe në Kupat e Europës.
Pas “gardianit” priten të tjera afrime që do t’i shërbejnë shkodranëve për Conference League, por edhe për Superioren. Kujtojmë që ishte përfolur Arvenold Qyrani për t’iu bashkuar shkodranëve.
