Video-skandali me përmbajtje erotike me protagonist ish-kryebashkiakun e Kukësit, Safet Gjici, vijon të jetë kryefjala e mediave.
Së fundmi janë zbuluar detaje të reja nga dosja hetimore e Prokurorisë, në të cilën thuhet se mekanizmi përgjues (kamera) ishte vendosur brenda gotës prej kartoni me pije freskuese.
Përgjuesi është vendosur nga vajza që shfaqet në video, Alma Kaçi e cila në dëshminë e saj ka deklaruar se është takuar vetëm dy herë me Gjicin, ku herën e parë i ka prezantuar projektin për qentë dhe sipas saj është ndjerë e ngacmuar seksualisht nga vetë ai. Kur shkoi herën e dytë në zyrë, vendosi vetë të pranojë seks oral me krybashkiakun, ndërsa kishte aktivizuar dhe aparatin e filmimit.
Ndërkohë pas aktit seksual, ata diskutojnë në zyrë për projektin që do të financohej nga Bashkia për izolimin e qenve endacakë në Kukës. Menjëherë më pas, Gjici thërret në zyrë një nga vartësinë e tij që të merret me dokumentacionin që do të dorëzonte Alma Kaçi.
