Deputeti i Partisë Demokratike, Tritan Shehu ka komentuar lirimin e policëve kosovar që ishin rrëmbyer nga polica sekrete serbe.
Shehu është shprehur se ky është një agresion i cili ka cënuar sovranitetin e Kosovës dhe Serbia duhet të mbajë përgjegjësi për këto veprime që shkelin të gjitha të normat e marrëdhënieve ndërkombëtare dje fqinjësisë së mirë.
“Edhe arrestimi edhe lirimi janë veprime politike pa asnjë bazë juridike sepse arrestimi ishte një rrëmbim personash në territorin e Kosovës. Ajo është një shkelje e sovranitetit të Kosovës, dhe arsyeja se përse e ka bërë këtë veprim kriminal është bërë me qëllimin se donte të tregonte force dhe zemër. Kjo lëvizje i ka dërguar mesazh ultranacionalistëve dhe grupeve kriminale në veriun e Kosovës që veprojnë si paramilitarë.
Këta që përdorin dhunën padyshim mund të shkojnë shumë larg dhe shpeshherë i merr rryma dhe futen në një lojë që nuk tërhiqen dot kollaj. Arsyeja është shumë e gjerë, tipike e një manifestimi i një agresiviteti si Millosheviçi. Policët në vendin ku u rrëmbyen Vuçiç shprehet se është tokë serbe dhe se nuk e njoh Kosovën. Lirimi i tyre është sepse policët ishin të pafajshëm dhe Vuçiç doli zbuluar se janë rrëmbyer brenda territorit të Kosovës dhe brenda territorit që kontrollohet nga KFOR. Ai e bëri lirimin edhe për tu dërguar mesazh ndërkombëtarëve që tani radhën e ka Kurti dhe të bëjmë një shkëmbin, kjo është një metodë ku bëhet agresion dhe të marrë pas përfitimet që ai ka në mendje.
Qeveria e Kosovës nuk duhet ë ndalet me Kaq por duhet të kërkojë dënim për personat përgjegjës që kanë shkelur sovranitetin, duhet ngritur në instancat ndërkombëtare që jemi agresuar shumë shpesh nga Vuçiç”, tha Shehu per Syri tv.
