Gazetari Eni Ferhati ka deklaruar se 40-vjeçarja Alma Kaçi, e cila shfaqej duke i bërë seks oral ish-kryebashkiakut të Kukësi, Safet Gjici në këmbim të premtimit për fitimin e tenderit për menaxhimin e qenve endacakë të qytetit, ka kryer një kurs për detektive private.
Ai deklaroi në emisionin “Opinion” se kursin Alma nuk e ka përfunduar, por ka marrë njohuritë fillestare. Sipas tij, 40-vjeçarja deri në këto momente nuk ka qenë bashkëpunuese me drejtësinë, për të treguar nëse qëndron dikush prapa filmimit të fshehtë që ajo i bëri Gjicit.
“Kemi të paktën 3 versione konntradiktore. Z.Gjici filimisht ka pretenduar për sulm politik, ka pretenduar që ka patur raport intim me vajzën. Por këto dy qëndrime janë rrëzuar sot nga Alma Kaçi.
Sot kemi mësuar që është përgjuar me anë të një kutie minitermusi. Mendonim që ishte çanta. Alma Kaçi nuk është një personazh kaq i thjeshtë. Ka informacione se Alma Kaçi ka kryer një kurs për detektive private. Nuk e ka përfunduar, por e ka kryer për rreth 1 muaj e gjysmë, ka marrë njohuritë fillestare. Po ashtu është angazhuar edhe si gazetare në televizionet lokale në Durrës.
E vetmja që mund të zgjidhë enigmën, pra të plotësojë pjesët e pazllit, është Alma Kaçi. Deri në këto momente nuk është bashkëpunuese me Prokurorinë, në lidhje me dyshimet e ngritura dhe pyetjet që i kanë bërë. Pra, mund të thotë nesë qëndrojnë prapa segmente të caktuara politike, siç pretendon Gjici, apo qëndron krimi i organizuar për ta shantazhuar për ndonjë tender, apo ka diçka tjetër.” – deklaroi gazetari Eni Ferhati.
