Vllaznia do të luajë ndeshjen e parë të Ligës së Konferencës në datën 13 korrik duke nisur në orën 20:45 me orën tonë.
Ndeshja do të zhvillohet në stadiumin Uindsor Park në Irlandën e Veriut, teksa klubi i Linfild ka publikuar edhe biletat e ndeshjes.
Tifozeria shkodrane do të vendoset në tribunën e veriut, teksa kapaciteti arrin në 2500 vende nga 18 mijë që ka stadiumi në total. Biletat e ndeshjes janë të ndara në dy grupe të ndryshme dhe ka 2 standarde për shitjen e tyre.
Për tifozët nën 18 vjeç dhe mbi 65 vjeç, bileta do të kushtojë vetëm 5 paund, ndërkohë që për të gjithë tifozët e tjerë, bileta do të kushtojë 10 paund.
Numri i Shqiptarëve në Mbretërinë e Bashkuar është i madh dhe natyrisht pritet që në stadium të mos mungojnë tifozët.
