Një person është plagosur me sende të forta gjatë një sherri të ndodhur në Thumanë. Sipas policisë i lënduari është një 41-vjeçari i cili është goditur me çekiç, ndërkohë një prej autorëve të dyshuar është arrestuar, ndërsa i vëllai i tij është shpallur në kërkim.
Në pranga u vu L. J., 25 vjeç, ndërsa në kërkim u shpall A. J., 34 vjeç.
“Shtetasit L. J., dhe A. J., (vëllezër), për motive të dobëta, mbrëmjen e djeshme, janë konfliktuar me shtetasin A. H., 41 vjeç, banues në Thumanë, të cilin e kanë goditur me send të fortë (çekiç). Si pasojë 41-vjeçari është dëmtuar dhe ndodhet në spital, nën kujdesin e mjekëve”, njoftoi policia.
Në cilësinë e provës materiale u sekuestrua çekiçi i përdorur gjatë ngjarjes.
