Gersi Diamanti nuk do të jetë më pjesë e skuadrës së Egnatias. Sulmuesi ka ndërprerë bashkëpunimin me rrogozhinasit vetëm 1 vit pasi u afrua në ekip. Lajmin e ka bërë të ditur vetë vlonjati me një postim në rrjete sociale.
“Nga sot nuk jam më pjesë ne ekipit të Egnatias. Falënderoj presidentin për mundësinë e dhënë”, shkruante vlonjati.
23-vjeçari erdhi nga ekipi i Flamurtarit me të cilët shkëlqeu në Kategorinë e Dytë por tek Egnatia nuk arriti të gjente minutazhin e duhur. Gjatë gjithë këtij sezoni ai ka luajtur për ekipin U21 ku ka shënuar edhe 2 gola. Tani ai është një lojtarë i lirë në merkato dhe do të shqyrtojë ofertat për të ardhmen e tij.
