35 shtetas shqiptarë kanë rënë në prangat e Policisë, pasi akuzohen se ishi pjesë e një grupi kriminal të trafikimit të drogës.
Mediat e huaja shkruajnë se grupi i kishte shtrirë aktivitetet e tij të paligjshme në Gjermani, Itali dhe Holandë.
Europol në bashkëpunim me policinë në të tre vendet, arrestoi 35 persona dhe sekuestroi më shumë se 1 milion euro.
“Rrjeti kriminal dyshohet se është përgjegjës për shpërndarje të gjerë të kokainës dhe kanabisit nga Amerika e Jugut në Evropë dhe shpërndarjen e tij të mëtejshme në të gjithë Bashkimin Evropian”, tha Europol.
Sipas përllogaritjeve nëse kjo sasi droge do të shitej në treg do të kapte shifrën e një miliard euro.
Sipas Europol anëtarët e këtij grupi dhunonin, torturonin, dhe shantazhonin rivalët e tyre.
Burimi: Reuters.com
