Ka ndërruar jetë në spital, këmbësori i cili u përplas nga një motor, rreth mesditës së kësaj të enjte, në rrugën hyrëse të Lushnjës, në vendin e quajtur “Rotondo e Plugut”.
Lajmi është konfirmuar nga autoritetet policore, teksa viktima është shtetasi Gramoz Xhumari (D.), 49 vjeç. Ky i fundit, teksa po kalonte rrugën, është përplasur nga një motor, që drejtohej nga shtetasi Ledion Duro, 37 vjeç, banues në Lushnjë.
Edhe ky i fundit ka mbetur i plagosur dhe ndodhet në gjendje të rëndë në spitalin e Traumës në Tiranë
Pas hetimeve në vendin e ngjarjes, Policia i ka referuar materialet në Prokurorinë e Fierit, për veprime të mëtejshme procedurale.
