Një aksident i i rëndë u shënua ditën e djeshme në zonën e ish-Kënetës në Durrëss, ku një 22-vjeçare Erisa Aliaj u përplas për vdekje nga një makinë, teksa po kalonte rrugën.
Për këtë ngjarje tragjike ka reaguar edhe pedagogia e 22-vjeçares, Eva Allushi. Ajo shkruan se Erisa ishte një vajzë që studionte dhe punonte. Me dhimbje pedagogia shkruan se 22-vjeçarja po kthehej nga puna kur u përplas për vdekje.
“Erisa po pse ike kaq shpejt moj zemer?! Po ti ishe si drite. Ndricoje ne grup e ne fakultet. Nuk e dije ti qe jeta ne kete vend nuk vlen fare?! Nuk ta kishim thene as ne, pedagoget e tu. Po ti nuk kishe kohe te merreshe me keto. Ti i kishe dale jetes tende per zot. Studioje e punoje o shpirt. E kishe zgjedhur dhe temen e diplomes per te drejtat e femijeve perballe abuzimit te medias.
Do te kishe qene nje profesioniste e zonja shume. Po nuk te lane. Nuk zgjodhe te ikje. Ta moren jeten teksa ktheheshe nga puna moj zemer. Na trondite shume te gjitheve ne, profesoreve e shokeve te tu.
Nuk desha ta lexoja ate lajm qe bente fjale per nje 22 vjecare te aksidentuar ne Durres, po zemra e ndjeu teksa mendova per studentet e mi. Nuk e mbylle dot as diplomen e as masterin. Pate jete te shkurter, po plot dinjitet. Te prehesh ne paqe! Ndricofsh si yll nga lart per familjen tende, miqte e shoket”, shkruan Allushi në postimin e saj.
Kujtojmë që aksidenti ndodhi rreth orës 21.45. Përplasja ka qenë shumë e fortë, aq sa e ka hedhur të renë në anën tjetër të trotuarit të renë. 22-vjeçarja është dërguar në spitalin e Durrësit në gjendje të rëndë, ku pak çaste më vonë ka ndërruar jetë. Policia ka arrestuar drejtuesin e mjetit që shkaktoi aksidentin, 24-vjeçarin Indrit Uka.
“Mbrëmjen e djeshme rreth orës 21:45, në lagjen nr.17/1, Durrës, shtetasi I. U., 24 vjeç, duke drejtuar automjetin e tij ka aksidentuar shtetasen E. A., 22 vjeçe, (këmbësore) e cila është dërguar në spitalin rajonal Durrës dhe ndodhej nën kujdesin e mjekëve, shtetasia E. A, për shkak të dëmtimeve të marra, ka humbur jetën ditën e sotme, në spital. Specialistët e Qarkullimit Rrugor të DVP Durrës, menjëher pas aksidentit bënë arrestimin e shtetasit I. U., 24 vjeç, banues në Durrës, për veprën penale “Shkelja e rregullave të qarkullimit rrugor”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, njoftoi policia për aksidentin.
