Studentët e Fakultetit të Mjekësisë protestuan ditën e Hënë kundër diskutimeve të qeverisë që ata të lidhin kontrata punë pas përfundimit të studimeve, ndërkohë që protestën tjetër e kanë lajmëruar ditën e nesërme në orën 10:00.
Lidhur me këtë ka reguar edhe deputeti i Partisë Demokratike, Tritan Shehu, i cili e ka quajtur vendimin e qeverisë antikushtetues.
Përmes një postimi në rrjete sociale, Shehu ka treguar mbështetje për studentët e Mjekësisë teksa shprehet se protestat janë të domosdoshme, pasi po shkelet e drejta kushtetuese për të drejtat dhe liritë themeltare.
Postimi i plotë:
“Pune te detyruar” per mjeket e rinj!!
Nje vendim anti kushtetues, arbitrar te bllokosh dhenien e diplomave 3-5 vite!
Sic eshte dhe arbirare pagesa prej 450 mije leke te vjetra cdo vit, qe bejne studentet e mjekesise.
Arsimimi publik duhet te jete falas!
Te gjithe jane te lire te zgjedhin vendin e punes.
Te shkojne te specializohen aty ku kane mundesi e desherojne.
Nje mjek mbas studimeve universitare duhet te kryeje specializimin.
Ne Shqiperi cdo specializant duhet te paguaje 1,2 milion leke ne vit.
Dhe shumica e tyre punojne pa u paguar.
Kudo paguhen gjate specializimit.
Tashti shtohet edhe heqja e mundesise per tu specializuar a punesuar jashte vendit!
Protestat jane te domosdoshme kunder kesaj shkelje te rende te te drejtave kushtetuese, te njeriut, lirive themeltare.
Kujtojmë, se disa ditë më parë, ministrja e Arsimit, Evis Kushi së bashku me ministren e Shëndetësisë, Ogerta Manastirliu, prof. Arben Gjata Rektor i UMT dhe prof. Xheladin Draçini, Dekan i Fakultetit të Mjekësisë, zhvilluan një takim të parë konsultativ me studentë të Fakultetit të Mjekësisë, me qëllim punësimin dhe kontributin e tyre në atdhe pas përfundimit të studimeve, për një periudhë të caktuar kohore.
Por studentët e kanë kundërshtuar këtë propozim dhe kërkojnë nga shteti që të ketë një zgjidhje efektive të përbashkët, dhe jo t’i detyrojë të punojnë në Shqipëri tri vite pas përfundimit të studimeve.
