Një ngjarje e rëndë është regjistruar mesditën e sotme në lagjen nr. 17 të qytetit të Korçës.
Autoritet policore bëjnë me dije se 24-vjeçari Adriel Kabashi, gjatë një konflikti për motive të dobëta ka goditur me sende të forta në kokë babain e tij, Adriatik Kabashi, 52 vjeç, banues në fshatin Vranisht, Devoll.
Ky i fundit, pas ka marrë ndihmën e parë mjekësore në spitalin e Korçës, është transportuar në gjendje të rëndë në spitalin e Traumës në Tiranë për mjekim të specializuar.
Ngjarja fillimisht është mbajtur e fshehtë, ku në spital 52-vjeçari ka dëshmuar se i kishin rënë disa mjete të forta në kokë. Por pas hetimeve nga ana e policisë, ka rezultuar se ai ishte goditur nga djali i tij. Policia ka arrestuar Adriel Kabashin për veprën penale “Dhuna në familje”.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
