Video-skandali me përmbajtje erotike që qarkulloi disa ditë më parë në rrjete sociale, ku protagonist ishte ish-kryebashkiaku i Kukësit Safet Gjicit, vijon të jetë kryefjala e mediave.
Ndërsa rasti po hetohet nga SPAK, është zbardhur edhe dëshmia e vajzës (Alma K), e cila u shfaq në video. Në një pronocim të saj për CNA.al Alma tregon gjendjen në të cilën ndodhet pas publikimit të videos. Ajo shprehet se tashmë situata për të ishte mjaft e rëndë dhe ndihej e traumatizuar, dhe se shteti e kishte braktisur dhe ajo ishte lënë pa mbrojtje.
Sipas Almës, ajo kishte shkuar në zyrë për të kërkuar ndihmë, por shprehet se siç ndodh rëndom në institucionet shqiptare, shumica e zyrtarëve nuk të ndihmojnë dhe nuk të bëjnë punë pa të çuar më parë në shtrat.
Sipas Almës, publikimi i videos i ka sjellë shumë pasoja.
‘Jam vërtetë e traumatizuar. Pasojat janë shumë të mëdha. Fëmija im po bullizohet, ndërsa unë vetë jam e pambrojtur, e rrezikuar dhe e braktisur totalisht nga shteti. Kam folur para SPAK-ut, kam dhënë dëshminë time dhe tani është organi i akuzës që po bën verifikimet dhe procedurat e tij ligjore. Unë nuk mund të flas dhe nuk mund të shprehem më shumë sesa kaq. Apeli im është një dhe i vetëm: jam e braktisur, e pambrojtur nga shteti, fëmija im po bullizohet dhe unë jam e rrezikuar”,- është shprehur Alma.
