Ramazan Rraja, nipi i deputetit socialist, Rrahman Rraja ka bërë rekurs në Gjykatën e Lartë duke kundërshtuar masën e sigurisë “arrest me burg”.
Ramazan Rraja u arrestua mbrëmjen e 29 Prillit, ku shoqërohej bashkë me një tjetër person të shpallur në kërkim, i cili u prangos gjithashtu. Ai kishte dhe një armë në brez, të cilën pavarësisht se e ka mohuar, rezulton se ishte e tija. Ai ka tentuar të korruptojë efektivët që e ndaluan, duke ju thënë “Ju jap sa para të doni, vetëm më lini të iki.”
Ramazan Rraja ishte shpallur në kërkim nga SPAK ku akozhej si i përfshirë në atentatin e ndodhur ndaj ish-prokurorit Arjan Ndoja dhe Aleksandër Lahos, i njohur si Rrumi i Shijakut, ngjarje ku humbi jetën shoferi Andi Maloku.
Gjithashtu, në muajin shkurt, Ramazan Rraja u dënua me 12 vite burg nga drejtësia belge, ku akuzohej si pjesë e një grupi kriminal shqiptaro-letonez, me rrezikshmëri të lartë, që nxirrte fitime të mëdha nga kontrabanda dhe trafikimi i kokainës.
Ramazan Rraja është një emër i njohur i botës së krimit, ku është aluduar si i përfshirë në shumë ngjarje kriminale.
