Ish-deputeti Lefter Maliqi ka denoncuar ditën e sotme skandalet e oligarkut Pëllumb Salillari në Bashkinë e Kuçovës.
Në një postim në rrjetet sociale, Maliqi shkruan se Salillari për interesat e veta helmon dhe dhunon banorët, shkatërron malet, pret pyjet, gërryen lumenjtë, ndërton pe leje, zhvillon tenderat vetë, emëron shefa komisariatesh, cakton deputetin, si dhe zgjedh, ndihmon dhe favorizon pengun kryebashkiak të Kuçovës.
Më tej, Maliqi e konsideron Salillarin si të pangopur, por i kujton se të gjithë do vdesin një ditë dhe sipas tij, helmimi, dhuna që përdor ndaj banorëve, nënave, prindërve, femijëve, do t’i kthehen një ditë mbrapsht.
Maliqi paralajmëron oligarkun Pëllumb Salillari, i cili dikur ka qenë faturino, se nuk i dihet dhe mund të dalë ndonjë ditë ndonjë “komisar Katan” ose “Silvia Konti” që ta çojnë të luajë domino me Gjushin, Kokën, Bllakon etj.
Reagimi i plotë:
Vendi i çudirave! Fatorinua Salillari kalon ylberin bëhet oligark!
Helmon banorët e Urës me shkatërrimin që i ka bërë malit me guroren. Godet, dhunon banorët e Sinecit, në bashkëpunim me pengun e tij Hajdarin dhe Policinë e Shtetit. Grabit prona, pret pyje, gërryen lumenjë, ndërton Resort 200 ha, duke ndihmuar nipin e tij me tendera qensh dhe duke urdhëruar pengun e tij, Hajdarin e Kuçovës, i njëjtë me Gjicin e Kukësit. Ndërton pa leje, zhvillon tendera vet, me miliona euro në Bashkinë Kuçovë, ua jep ato dhe firmave nën-kontraktore etj. etj.
Emëron shef komisariati në Kuçovë, cakton deputetin, zgjedh, ndihmon, favorizon pengun kryebashkiak, duke e ndikuar hapur në votime, manipulime etj. Ky oligark ka marr peng jo vetem për taksat Bashkinë Kucovë, por dhe emerimet në politikë, polici e administratë. Po fryhu Salillar, ngopu! O i pangopur! Një qerre me dhe na pret të gjithëve. Por helmimi, dhuna që përdor ndaj banorëve, nënave, prindërve, femijëve, do të kthehen një ditë mbrapsht! Mbase nga njeriu, e mbase nga Zoti, se drejtesinë e ke mbërthyer për momentin. Por prap si dihet, do të dal ndonjë ‘komisar Katan’ ose Silvia Konti që të të çojë të luash domino me Gjushin, Kokën, Bllakon etj. Ditë më të mira do të vijnë…
