Studentët e Mjekësisë, kanë lajmëruar protestë ditën e premte më datë 23 Qershor ora 10:00.
Ky vendim vjen për shkak të planit të qeverisë, që parashikon që studentët e Mjekësisë duhet të punojnë 3 vite në Shqipëri, përpara se të diplomohen.
Nën sloganin “Ikja masive, dështim i sistemit”, protesta do të zhvillohet në formë marshimi drejt Ministrisë së Arsimit dhe Sportit.
Kujtojmë se studentët e Mjekësisë kanë zhvilluar edhe protesta të tjera lidhur me këtë projekt-vendim të qeverisë.
