Adrian Çela, administrator i OSHEE (Operatorit të Shpërndarjes së Energjisë Elektrike) do të largohet nga detyra pas mbarimit të mandatit.
Z. Çela erdhi në krye të OSHEE në dhjetor 2014.
Nuk dihet ende se cili do të jetë posti i radhës që do të marrë Çela, veçanërisht pas punës së bërë në fushatën elektorale në zgjedhjet lokale të 14 majit në Bashkinë e Durrësit, atje ku edhe ishte i deleguar. Në bashkinë bregdetare, kandidatja e maxhorancës fitoi bindshëm një mandat të dytë në krye të Bashkisë.
Ende nuk dihet kush do ta zëvendësojë atë në krye të Operatorit të Shpërndarjes.
Mësohet se Belinda Balluku dhe Ardian Çela kanë patur një raport të prishur prej kohësh.
Belinda Balluku, më 10 janar 2023, pyetjes së gazetarëve nëse ishin të vërteta, fjalët e dala nga PS për shkarkimin e drejtorit të OSHEE, Ardian Çela, iu përgjigj: ”Kush nuk zbaton standardet tona do largohet, por gjersa pyetët për emër konkret, duhet ta dini se asnjë nuk është i pa zëvendësueshëm“.
