Ish-Ministri i Drejtësisë, Ylli Manjani, ka komentuar mbrëmjen e sotme sulmin policor në kampin e muxhahedinëve në Manzë.
I ftuar në ‘A Show’ në SYRI TV, Manjani u shpreh se, gjithçka ka ndodhur për shkak të mungesës së transparencës dhe politikës personale të Edi Ramës.
‘Ajo që ka ndodhur sot është edhe më e rëndë seç duket, ka qenë përplasje fizike. Ne kemi pasur luksin të prishim marrëdhëniet diplomatike me republikën e Iranit. Prishja e marrëdhënieve diplomatike mund të na çojë dhe në luftë teorikisht, pse duhet ta bëjmë ne këtë gjë? Sepse kemi strehuar disa njerëz.
Fakt është se ata (iranianët) ndërhynë tek emailet apo dokumente të tjera dhe u fajësuan 4 njerëz nga Irani dhe që kishin lidhje me ambasadën dhe ikën e nuk thanë gjë.
Sot na del versioni tjetër se hakerat nuk na qenkan në Iran, por në Manëz dhe prandaj kanë shkuar sot për të parë se çfarë po ndodh aty brenda.
Na sollën ca ekspertë nga NATO, luftë e madhe, kundërofensivë, kupton krejt pa lidhje, zero. Paska qenë në Manzë problemi.
Kemi hyrë në luftë edhe me sugjerimin e këtyre aleatëve dhe ekspertëve, kemi prishur marrëdhëniet diplomatike për këtë histori. Shiheni ku të çon mungesa e transparencës, politika personale, shiheni se ku të çon gansterllëku’, u shpreh Ylli Manjani.
