Grupi i hakerave iranianë i ashtuquajturi “Homeland Justice” ka reaguar në profilin e tyre në Telegram, pas tensioneve brenda kampit të MEK në Manzë, pas kontrollit të ushtruar nga Policia, me urdhër të SPAK, në kuadër të luftës kundër terrorizmit dhe parandalimin e sulmeve kibernetike.
Në një mesazh të shkurtër, ata shkruajnë: “Keni ftuar djallin në shtëpi, tani po korrni frytet e punës suaj.”
Ata kanë publikuar lajmin ku MEK pretendon për një të vrarë nga sulmet e policisë, ndërsa kjo e fundit ka bërë me dije se diçka e tillë nuk është e vërtetë.
Burime ende të pakonfirmuara bëjnë me dije se SPAK ka lëshuar 70 urdhër-arreste për iranianët që janë strehuar në kampin e MEK në Manzë të Durrësit.
