Shqipëria kërceu “samba” në Ishujt Faroe, duke triumfuar me rezultatin 1-3, në një duel të dominuar nga kuqezinjtë.
Me këtë fitore të arritur në transfertë ndaj Ishujve Faroe, kuqezinjtë e Silvinjos, u katapultuan në vendin e dytë, teksa shanset për kualifikimin në Europian, tashmë janë reale.
Një sfidë e interpretuar mjaft mirë nga ekipi që bëri gjithçka mirë në fushën e lojës duke marrë tri pikët e para.
Dhe vlerësimet janë pozitive edhe në aspektin statistikor, pasi në përmbledhjen e notave të “SOFASCORE” , shihet qartësisht se pjesëtarët e ekipit janë shfaqur mbi mesataren.
Vendin e parë e mban Ernest Muçi me notën 7.8, i cili u aktivizua në 75-të dhe në 90+2, vulosi suksesin kuqezi. Pas tij renditen Bajrami (7.7) dhe Asllani (7.5), që gjithashtu gjetën rrugën e rrjetës.
Më pak i vlerësuari në këtë ndeshje është portieri Etrit Berisha me notën 6.4.
