Policia franceze ka bastisur ditën e sotme selinë e organizatorëve të Lojërave Olimpike Paris 2024.
Sipas zyrtarëve të policisë bastisjet janë pjesë e dy hetimeve paraprake për korrupsion në lidhje me Lojërat Olimpike.
Mësohet se autoritetet po hetojnë akuzat për favorizim dhe keqpërdorim të parave publike në atribuimin e kontratave të ndërtimit.
Të martën, hetuesit kundër korrupsionit arritën pa paralajmërim në selinë e komitetit organizativ të Olimpiadës në Saint-Denis, një periferi e Parisit, si dhe në zyrat e Solideo, organi publik përgjegjës për ndërtimin e projekteve për lojërat.
