Ka humbur jetën në spitali i plagosuri i aksidentit të ndodhur këtë pasdite në kryeqytet, në rrugën pranë qendrës tregtare TEG, para hyrjes në autostradën Tiranë-Elbasan.
Policia njoftoi fillimisht se rreth orës 17:25, në rreth-rrotullimin e TEG-ut janë përplasur automjetet me drejtues shtetasit D.B., 40 vjeç, E.Sh., 23 vjeç, dhe F.H., 30 vjeç.
Si pasojë e përplasjes u plagos D.B., i cili u transportua në spital, shtuan të njëjtat burime.
Në një njoftim të dytë, policia konfirmoi se si pasojë e plagëve të marra, i lënduari ka ndërruar jetë në spital.
